Matti Skratti

Hver skrifar þennan texta eiginlega? Þetta er ekki í fyrsta skipti sem maður sér svona torf í formúlu frétt hér á mbl.is. Maður fær smá aulahroll við þennan lestur.

	Hátindur ferils Hamilton
Ábyrgðarmaður færslu Tilkynna um óviðeigandi tengingu við frétt

Ég ætla ekki að tjá mig um formúluna sem slíka. En hvaða moðhaus skrifaði þessa frétt? Þetta er nánast óskiljanlegt torf.

Bless

	Brawn segir njósnir í formúlu-1 áorka litlu
Ábyrgðarmaður færslu Tilkynna um óviðeigandi tengingu við frétt

Jæja þá getur maður byrjað á þessu aftur. Var nefnilega búinn að gleyma lykilorðinu en hafði ekki dug í mér til að fá nýtt. En svo laust því niður í kollinn á mér og því ætla ég að byrja aftur. Allavega þá er ég á lífi og er kominn aftur til Afghanistan. Já sólskinslandið Afghanistan hmmmmmm.

Eitthvað eru þeir sofandi á mbl.is í dag. Ég átti von á að sjá hérna frétt um hana Berglindi dóttur mín en það bólar ekkert á henni, svo ég skrifa hana bara sjálfur.

Í dag eru nefnilega 21 ár síðan hún kom í heiminn. Lítil og hálf ræfilsleg og blesótt í ofanálag. Ekki man ég hvað hún var þung, enda er notuð einhver mælieining sem ekki er notuð á Íslandi nema við þetta tækifæri og finnst mér það algjör sóun á leggja það á minnið. En hvað um það.

Það er með ólíkindum hvað þetta hefur liðið hratt, þetta 21na ár og Skotta, eins og hún hefur verið kölluð í langan tíma, hefur breyst úr þessari litlu ræfilslegu hnátu í myndarlega stúlku, sem hann Halli eyrbekkingur var svo heppinn að næla í. 

Það er margt skemmtilegt og eftirminnilegt sem kemur upp i hugan á manni við svona tækifæri og einar af eftirminnilegustu stundunum sem við áttum saman, þegar hún var yngri, var þegar ég las fyrir hana fyrir svefninn. Uppáhaldssagan hennar var ævintýrið um Þyrnirós og þó að hún væri ekki búin að læra að lesa þá kunni hún söguna utanað og ef ég dottaði við lesturinn eða ruglaðist eitthvað þá leiðrétti hún mig alltaf og jafnvel ef ég notaði ekki rétta rödd fyrir persónurnar þá var hún fljót að leiðrétta mig. Þetta eru ógelymanlegar stundir og ég hvet alla foreldra að lesa fyrir grislingana sína.

Þannig var nú það. Hafðu það sem allra best í dag Berglind mín og í framtíðinni.

ÞAF